我的廣東話

有陣時，會好慶幸自己識得講廣東話。雖然，有啲用語係典型嘅馬來西亞用語，不過，只要小心啲講，其實都可以瞞天過海嘅。

次次同啲識得講廣東話嘅老友溝通，都會講廣東話係一門藝術，既可以用來作普通嘅溝通，又可以用高雅啲詞句用來鬧人，效果一流。

大學時期，根本冇乜幾個識得講廣東話，攪到我都要用好普通嘅普通話來同啲同學仔溝通，兼且仲要比啲同學仔笑我嘅普通話滿嗮廣東音。其實呢，我都唔係好介意，因為佢地識講福建話，唔識講廣東話，佢地係廣東文盲，而我就係福建文盲，只要大家河水不犯井水，都可以相安無事。只不過，呢班福建大學畢業嘅人好鐘意恰我呢個文盲。點解，因為佢地最鐘意响我面前講福建話，其實呢，我識廣東話，你地識福建話，大家各有所長啫，唔駛咁囂嘅。

返番嚟呢度之後，返工都唔駛講普通話囖，點解，因為我地嘅office是廣東話的天下，幾乎每個人都識得講廣東話，甚至乎，連廣東話最藝術嘅粗口，都可以出口成章，簡直就係一絕。好似果啲問侯啊媽啊爸嘅粗俗語，系呢度，都變咗一啲好普通嘅問侯語。只要你覺得無傷大雅，咁呢啲問候語就變得正常，甚至好搞笑。

其實我係客家人嚟嘅，但係點解唔識講客家話呢？呢啲都怪我老豆，由細到大都係用廣東話同我地溝通，攪到我地成日被人誤會係正宗嘅廣東人，真係對唔住啲祖宗。

到今時今日，我嘅廣東話其實係好過我嘅普通話，只不過，响呢度，實在有太多人唔識講廣東話啦，所以，我別無選擇，只有同啲朋友講普通話，亦即係說華語啊！